لمن لا يعرف , منكوب هو المواطن خالد الذكر , صاحب المنزل المنهار بتاع الدويقة , اللى اتدغدغ على دماغه ودماغ اهله بعد صخر الدويقة (الشقيّة ) ما عملتها !!
بامكانك الرجوع للتعرف عليه اكتر على هذه ( المراجع ! )
http://adelhegazi.maktoobblog.com/1295552/%D9%83%D8%A7%D8%B1%D8%AB%D8%A9_%D8%A7%D9%84%D8%AF%D9%88%D9%8A%D9%82%D8%A9_…%D8%A8%D9%8A%D9%86_%D9%85%D9%86%D9%83%D9%88%D8%A8_%D9%88%D8%AC%D9%8A%D9%85%D8%B3_%21%21%21
وأيضا
http://adelhegazi.maktoobblog.com/1305277/%D8%AC%D9%8A%D9%85%D8%B3_%D9%88%D9%85%D9%86%D9%83%D9%88%D8%A8_…%D8%A3%D9%83%D8%B4%D9%86_%D8%AA%D8%A7%D9%86%D9%89_%D9%85%D8%B1%D8%A9_%21%21%21
نيجى بقى للحوار بين منكوب …والرئيس !!!
……………………..
منكوب : صباح الفل يا ريّس !
الرئيس : صباح الفل ! اهلا وسهلا
منكوب : ربنا يباركلنا فى سيادتك ..ويديك طولة العمر يا رب !
الرئيس : متشكر متشكر يا ….
منكوب : اسمى منكوب يا باشا !
الرئيس : هاهاهاهاه ….اسمك غريب أوى
منكوب ( بحسرة ) : قسمتى ونصيبى …هو حد بيختار اسمه !
الرئيس ( باهتمام ) : عملت ايه مع المحافظة …خدت شقة ولّا لسه ؟؟!!
منكوب : آه ….ادّولى ورقة ومضّونى عليها وقالولى اول 2010
الرئيس : يعنى مع المونديال !…ربنا يكرم حسن شحاته ونوصل بقى !
منكوب : انا بس يا ريّس كنت جايلك فى موضوع ( صغيّر ) كدة !
الرئيس : قول يا ابنى كل انت عاوزه
منكوب : غزة يا ريّس !!
الرئيس : مالها ؟؟!!!
منكوب : لا ابدا !! الناس بتموت من الجوع والعطش والصواريخ اللى نازلة ع البيوت زى المطرة …ومش عارفين يروحوا فين ؟؟!!
الرئيس : يعنى ايه ؟!!
منكوب : يعنى باقول لو نساعدهم بأى حاجة …نفتح معبر رفح ليهم …عشان ييجوا على مصر ويقعدوا فيها بدل ( قلّة الأدب ) بتاعت اسرائيل دى …نشيلهم فى عنينا ..ع الأقل يعمّروا سيناء اللى عاملة زى البيت الوقف …رملة وزلط …واللون الاصفر على مدد الشوف …لا فيها شجرة ولا صرّيخ بين يومين ..ولا ايه رأى سعادتك ؟؟!!!
الرئيس : ماهو دة اللى عاوزاه اسرائيل …ان المليون ونص بنى ادم بتوع غزة دول يبعدوا عن اسرائيل ..ويبقوا لاجئين !
منكوب : آآآآآآآه ….وعشان كدة احنا قافلين المعبر ؟؟
الرئيس : مين قال انه مقفول …((( إننا نفتح معبر رفح للحالات الإنسانية, ونخطر إسرائيل قبل المرور, حتي لا يساء الفهم, أو يزعموا أننا نسمح
المزيد
