فى مسلسلات الفراعنة التليفزيونية – زمان - كانت هناك ثوابت لا تتغير !
كل الفراعنة حالقين بطاطس !! على الزيرو يعنى ..شغل حسام حسن !!
كل الفرعونيات غندورات خفاف الوزن ..مفيش فشلّات يعنى !!
الملك ..أو الملكة – حسب المشهد – غالبا قاعد منتفخ الأوداج على عرشه / عرشها , ومن خلفه طقم ممثلين داهنين وشوشهم بورنيش جزم اسود موت , ورفيعين , وعرايا الا من جيبة لحد الركبة !!
طقم عبيد سود شايلين مراوح مصنوعة من خشبة طويلة وفى آخرها ريش كبير ضخم أشبه بجناح طائر الرخ اللى محدّش شافه !! , وماسكين المراوح وشغالين زى الانسان الآلى يهوّوا على الملك طووووووووول المسلسل !!
السود دول المفروض – حسب التاريخ – انهم اسرى حروب فرعونى ..وغالبا من الحبشة !!
عبيد من الحبشة !!..يشتغلوا 24 ساعة يهوّوا , لا صوت ولا نفس ولا بم !!
همّ يستجروا يبطلوا تهوية على ( الفرعون ) , أو يقترحوا عليه – مثلا – يروح ياخد دش ساقع ويخلص من الحرارة العالية , ويخلّصهم من الشغلانة الغبرة اللى ملّخت دراعاتهم !!!
هذا التراث الدرامى الفرعونى , واحيانا فى المسلسلات الدينية أيضا , له صلة وثيقة بحاضر مصرنا العزيزة الآن !!
وخصوصا فى رمضان !!
حد يقولّى ..ليه محل كشرى يفتح من 9 الصبح لحد قبل المغرب ؟!
البلد 95 % منها مسلمين ..صايمين …والفاطر يا اما فجرة المسلمين ..يا اما أهل الملل الأخرى !!
قوام قبل ما حد يقول ما يمكن ييجى زبون مسيحى ياكل كشرى ..اقوله ..صباح الفل والجمال ..دى حالة نادرة جدا
محل الكشرى حيفضل فاضى لحد المغرب ..دة مؤكد مليون فى المليون !!
طب وبعدين ..اصحاب المحلات دى يقفلوها يعنى الصبح ؟!
يا جدع قول كلام غير دة !..ليه ..مش مفيش زنوج من الحبشة موجودين ..وبيقبضوا فلوس جامدة جداجداجدا آخر الشهر !! يبقى يقعدوا ..أو ..يقفوا زنهار كمان لحد ما زبون مسلم فاسق ييجى يفطر ..أو زبون مسيحى يعبّرهم !!
المحلات التى تبيع الوجبات الجاهزة ..أو السندوتشات ..كلها لا تعمل – إن عملت – إلا قبل الإفطار بساعتين تقريبا ..لكن أصحاب هذه ( العِزَب ) لا يرضون إلّا بوجود العبيد الأحباش من الساعة التاسعة صباحا..وحتى ما بعد منتصف الليل – ككل أيام السنة !!
