1. كنزي قال:
   أبريل 17th, 2008 at 17 أبريل 2008 7:21 م

   الحقيقه بعد قراءه موضوعك بتمعن
   
   لقيته موضوع علمى وتحفه جداا
   
   ربنا يوفقك
   
   كنزى

2. الكــ مفتاح ــاديكي قال:
   أبريل 17th, 2008 at 17 أبريل 2008 7:59 م

   أخى العزيز عادل حجازي ..

   الله عليك أيها المتألق .. دمت بود أدراج مميز ..
   
   وذات طبيعة أجتماعية تمر على واقعنا اليومي..
   
   تقبلى تحياتى .. وودي .

3. drreyad قال:
   أبريل 17th, 2008 at 17 أبريل 2008 9:17 م

   مساء الفل يا عدولة ….
   دمك زى الشربات …و كتاباتك من صميم الواقع …..
   ربنا يستر على بناتنا و ولادنا من المغريات اللى قدام الجيل الجديد …
   انت عارف ان فيه بعض الاوساط …بتعتبر الواد او البنت اللى مش - مأنتمين - بالتعبير العامى الشبابى ….. خايبين و موضة قديمة …و يتريقوا عليهم …..فيضطر الشباب و الشابات للاسف …انهم يقلدوا النماذج السيئة …. و اللى مايقدرش ….يخترع علاقة من نسج خياله …..كل ده طبعا …..فى حالة غياب الوازع الدينى و الاخلاقى و اشراف الاسرة و المتابعة المستمرة …
   احلى حاجة بقى فى موضوعك ….
   انك جبت سيرة منى الشاذلى …..اصلها بصراحة …..تجنن

4. بصمة قلب قال:
   أبريل 18th, 2008 at 18 أبريل 2008 12:30 ص

   اخوانى الكرام حبيبى Adel Hijazi الموضوع جميل جدا جدا

   بس بيقول افلاطون ( ان الاتجاه الصحيح هو الذى يحدد مستقبل الانسان )

   ويقول ( شكسبير) هناك ثمة وقت في حياة الإنسان إذا انتفع به نال فوزاً ومجداً، وإذا لم ينتهز الفرصة أصبحت حياته عديمة الفائدة وبائسة..

   لا أستطيع التكهن بالكلمات بأنها مشاعر شخصية أو ربما تكون فردية ولكن هذه حقيقة

   هناك قصة جميلة ل( جيز وليز وليم ) دى اسمها أله الزمن قصة جميلة جدا ارجوا منك قرأتها

   وهناك كتب كثيرة فى مكتبتى بعضها واشهرها وارجوا من الجميع قرأتها

   ( قوة التفكير - ابراهيم الفيقى _ القناع الحديدي..لإسكندر ديماس الاب…
   الكونت دي مونت كرستو…لإسكندر ديماس الاب
   الامال الكبيرة ..”او العظيمة”..لتشارلز ديكنز
   اوقات عصيبة…لتشارلز ديكينز..
   جزيرة الكنز …لــ روبرت لويس ستيفون…
   عناقيد الغضب … لــ جون شتاينبك..
   البؤساء… لـــ فكتور هيجو

   ارجوا من الجميع البحث عن الكتب واذا احتجت بعض الكتب كلمنى على مدونتى

   تحياتى لكم
   بصمة حب
   http://love0r.maktoobblog.com/

5. Linda قال:
   أبريل 18th, 2008 at 18 أبريل 2008 2:04 ص

   عادل…
   
   صبــــــــاح الخير

   ضحكتني والله….وموضوعك عجبني بتحكي عن واقع بس بأسلوب فكاهي.. بس انت كمان ما حكيت عن واقع تاني..
   
   يعني انت جبت سيره جمع المونث السالم وماجبت سيره جمع المذكر السالم…
   
   مثل الناقمون,الحاقدون,الجاحدون,المتربصون,…والي منها كمان بيطلع أكثر من 100 نوع

   أما عادل بالنسبه للأب أو الأم صدقت وهاد هو المطلوب انو الطفل يخاف العقاب من الله مو من الأهل..لو الأم أو الأب يزرعوا هالشغله بنفس الطفل التربيه ان شاء الله صارت سليمه

   وقل رب ارحمهما كما ربياني صغيرا

   كما ربياني صغيره* وهي التربيه السلميه…من حسن التسميه,تحفيظ القرآن,اختيار الزوجه أو الزوج الصالح,وعدم سلوك الطرق الملتويه,والمعامله الفظه القاسيه,والعقوبه الظالمه الشديده الي رح توصلهم للانحراف والعقوق وأكيد التمرد….

   يعطيك العافيه

   احترامي
   

6. جيهان قال:
   أبريل 18th, 2008 at 18 أبريل 2008 6:17 ص

   عادل حجازى اكتشفت فى سلوبك رصانته وحبكته التى جعلتنا نعجب به
   
   اما بقا عن الكروديات فالنوع الاول مبيكسبوش اى شئ من ورا الكلام الحلو والخروج
   
   غير سمعه مش كويسه وارتكاب سيئات لان ما يفعلوه لا يرضى الضمير ولا الله قبل كل شئ وكمان لو كل واحد وواحده حط قدامه ان ابوه وامه بيموتوا كل يوم عشان يجيبلهم اكلهم وشربهم ولبسهم
   
   مكنوش يتصرفوا بكل السلبيه دى كله
   
   اما النوع التانى اللى بينخدع فبصراحه هما اللى سبب خديعتهم وعذابهم
   
   عشان الحب لهم اسس لو اى اتنين مشيوا عليها هيبقى حب ناجح ويكمل بالزواج مش ينتهى بالزواج وهى انهم يراعوا ر بنا فى مشاعرهم انا مقاتش ان الحب حرام ولاحاجة
   
   بس مينفعش تحت اسم اننا بنحب بعض نخرج مع بعض لوحدنا مثلاً او حكاات التسبيل ومسك الايدين
   
   كل ده حرام وميرضيش ربنا
   
   بحبك يعنى عاوزك جانبى طول عمرىيعنى هاتجوزك واروح اقابل والدك واطلبك منه وكله يا عادل بيبقى من البنت
   
   يعنى البنت هى اللى بتعود الولد وتفهمه انه مفيش مقابلات او اى شئ لغايه ميتجوزوا او على الاقل يا سيدى يكتب كتابها لكن اى شئ تانى
   
   يبقى حرام مش معنى كده انى متشدده من الحب
   
   لكن هى دى الطريقه اللى ممكن البنت بيها تحمى وتعصم نفسها وكمان الولد
   
   لكن نظام يومين وبعدين اخلع اهو افرح لى يومين نظرات وابتسامات ومسك ايدين وتسبيل
   
   والاسم اللى بيقوله الولد احنا لبعض والناس يشوفوهم ويطلعو عليهم سمعه
   
   ى خسرت سمعتها بأنها ماشيه مع ده وهو مش بيخسر حاجة لانه فى مجتمعنا الشرقى الذكورى الولد مبيبقاش عليه حموله اى غلطه بقدر العبأ الللى بيقع على البنت عشانكده بقول ان البنت هى كل شئ هى اللى فى ايدها تبقى محترمة وبايدها برضه انها تبقى غير محترمة لا رنا ولا لاهلهاولا لنفسها
   
   تياتى على موضوعك الرائع ومعلش طولت عليك اوى

7. عادل حجازى قال:
   أبريل 18th, 2008 at 18 أبريل 2008 11:37 ص

   كنزى 2009

   تشرفت جدا بزيارتك وتعليقك - للمرة الاولى - ويا رب ما تكونش الاخيرة

   تحياتى

   وفى انتظار الجديد عندك !

8. عادل حجازى قال:
   أبريل 18th, 2008 at 18 أبريل 2008 11:41 ص

   الدكتور - الجميل - محمد رياض

   صباح الفل يا باشا - معلش قريت تعليقك تانى يوم - انت اللى دمّك زى السكر

   ونا معاك فى اعجابك بمنى الشاذلى ..راقية ..متحضرة …و مدهشة !

   وبالمناسبة

   ايه اللى عملوا الاسماعيلى معاكو دة ؟؟؟؟ ينفع كدة ؟؟؟؟!!!!!!!!

   وحلو البنالتى المقلب بتاع بركات !!

   يا نادى الحكومة - على رأى الدراويش !!!!!!!!!

   ههههههههههههههه

   صباحك زى العسل !

9. عادل حجازى قال:
   أبريل 18th, 2008 at 18 أبريل 2008 11:49 ص

   بصمة قلب

   شكرا لزيارتك - وشكرا لدعوتك الكريمة .

   ودام التواصل الراقى

   تحياتى

10. عادل حجازى قال:
    أبريل 18th, 2008 at 18 أبريل 2008 11:56 ص

    العزيزة ليندا

    ان شاء الله - بأمر الله ….لو ليّا عمر ….حيبقى فيه بلاوى عن جمع المذكر السالم !!

    ما تقلقيش !!

    تخلص المستهبلات …وحتلاقى ورا منّها عدل المستهبلين - و اديك اديتينى شويّة افكار حلوة ليها ! بس مش حّديلك حقوق ملكية فكرية …..هههههههههه !

    وانا معاكى ف هالحكى وانّو اللى صاير ما هو مهضوم وما هو حلو !

    وتقبلى منى تحياتى لك - ولكل اهل لبنان الغالى على كل عربى !!

    صباحك سكر !!

11. عادل حجازى قال:
    أبريل 18th, 2008 at 18 أبريل 2008 12:03 م

    الغالية جيهان

    انا معاكى فى كل حرف قلتيه …….وللأسف نحن مجتمع ذكورى فعلا يذبح البنت لو اخطأت……ويبارك الولد لو طلع روميو او فالنتينو !!!

    منتهى التمييز …ومنتهى التناقض !

    فالفضيلة لا تتجزأ !

    واحكامها - المفروض - ان تسرى على الجميع !

    تحياتى لك

    وفى انتظار القادم من ابداعاتك

12. عادل حجازى قال:
    أبريل 18th, 2008 at 18 أبريل 2008 12:09 م

    استاذى مفتاح الكاديكى

    صباحك طيب مبارك بأمر الله

    انت يا سيدى …المتألق !

    و مبروك ع المدونة الجديدة

    تحياتى

13. mahmoud saeed قال:
    أبريل 18th, 2008 at 18 أبريل 2008 12:25 م

    اخي عادل طاب صباحك
    
    دائما وابدا انت تتحفنيي بكلامك واسلوبك في عرض مواضيعك بجد
    
    بارك الله فيك
    
    واسف مش هاعرف اقول اكتر من كده علشان كلامي هيبقى مكرر
    
    ربنا يكرمك

14. ميسى محمد قال:
    أبريل 18th, 2008 at 18 أبريل 2008 12:26 م

    جمعة مباركة أستاذ عادل ……..
    
    متمنياتي لك بدوام الصحة….تحياتى

15. عادل حجازى قال:
    أبريل 18th, 2008 at 18 أبريل 2008 12:57 م

    ميسى محمد

    شكرا - و جعل الله كل ايامك مباركة

    مع خالص تحياتى

16. Linda قال:
    أبريل 18th, 2008 at 18 أبريل 2008 1:07 م

    عادل…
    
    مســــــــــاء الخير

    ههههههههه خلص يا عم حقوق الملكيه
    
    خليها ليك…

    وتحيه الك من أهل سوريا

    جمعه مباركه

    احترامي

17. طاهر الصوفانى قال:
    أبريل 18th, 2008 at 18 أبريل 2008 1:28 م

    الاخ عادل

    اولا جمعه مباركه عليك وعلي كل المسلمين والموحدين

    استني بقي شويه وارجع اعلق

    علشان مابقاش كروديا

    مودتي

18. raeda_2008 قال:
    أبريل 18th, 2008 at 18 أبريل 2008 1:30 م

    أخي العزيز عادل
    
    صنف ما كتبت عنه البنات المقتدرة ماديا
    
    بتشتري للشاب بطاقة الموبايل والموبايل إذا لزم الأمر
    
    مقابل علاقة تحدد هي نوعها ومضمونها
    
    والبنات إلي أهلهم ببعثوهم للدراسة خارج المدينة مع قلة ذات اليد
    
    شفت قبل فترة بنت بتبكي عند الصراف الالي يوم خميس لا تملك
    
    ثمن الأكل والأب لم يرسل لها المصروف ……….من أين سوف تأتي الفتاة
    
    بالمال في مدينة هي غريبة فيها
    
    والله أخي العزيز أصبحنا نرى العجائب في هذا الزمان
    
    الله يستر على بناتنا وأولادنا
    
    وفقك الله ورعاك

19. drreyad قال:
    أبريل 18th, 2008 at 18 أبريل 2008 2:13 م

    مساء الفل يا زملكاوى …
    الاسماعيلى طول عمره بيلاعبنا زى مانكون كفار ….بياخد على قفاه من طوب الارض بقاله عشر مباريات …. و اداؤه زى الزفت …و معانا يستأسد …. ماهى دى ضريبة السيادة و التفوق ….اللى يقف قدام الكبير عشان يكبر ….زى بالظبط اللى يعارض الكبار عشان يشتهر ……
    اما البنالتى كلام فارغ طبعا ….عادى بتحصل كتير …ما الاهلى شارب المر من الحكام على طول و المصيبة الناس بتدعى العكس ….و عشان عينكم فيه اهو ضاع ….بس كويس انهم اتعادلوا عشان ماتبقاش نقطة سودا من غير لزمة …. ياللا فاضل ماتش و الدرع يروح جنب اخواته …كالعادة
    المهم انتم تشدوا حيلكم مع انبى …. شكلكم بقى وحش قوى …و لو ماخدتوش البطولة الغلبانة دى …… يبقى فيها عشر سنين انتظار تانى و الا حاجة ….
    و لازم طبعا ندخل الحكومة فى جملة مفيدة ….ما هى دى عادتنا …. ما الاهلى مرت عليه عدة سنوات بدون بطولات …الحكومة ماتدخلتش ليه ؟
    على الاقل ماسمعناش ان فيه بطولات اتاخدت بالامر المباشر …..و ارجع للتاريخ لما كان حسن عامر ….اخو سيادة المشير ….. هو رئيس نادى الزمالك …..
    و ارجع اكتر …. لما كان الملك فاروق …. هو رئيس النادى ….
    ايام المختلط و الانجليز و الذى منه ……احنا برضه بتوع الحكومة ؟
    تحياتى

20. حادي العيس قال:
    أبريل 18th, 2008 at 18 أبريل 2008 2:14 م

    اخي عادل حجازي : حديث ماتع ورائع ,,, فيه من النصائح الكثير ,,, ليتهم يستوعبون ,,,

    (الم يعلم بان الله يرى) اشكر لك بوحك الهادف الراقي في الدعوة الى الخير ,,,,

    اخي عادل هل للشعر والبيان في قلبك مكان ,,,,

    ادعوك لابداء رأيك في قصيدتي الجديدة ( ان بعد العسر يسرا ) ,,,

    علها تنال اعجابك ,,,

    تحياتي لك ولتواصلك ,,,,
    

21. عادل حجازى قال:
    أبريل 18th, 2008 at 18 أبريل 2008 2:22 م

    مساء العسل يا اهلاوى يا جميل !

    اقصد الدكتور محمد رياض باشا !

    والله يا دوك ربنا يستر لو مخدناش الكاس المرة دة …. انا بقول نفتح الزمالك مستشفى بعدها ونخلص !

    أو نحوّله دار مسنين !!

    عارف لو دة حصل ؟؟؟؟؟؟؟؟

    برضه حبقى زملكاوى - ما تفرحش كدة !!!- حاكم الزمالك بقى زى المورفين فى الجسم

    ما تشوفلى علاج يا باشا !!!

    هههههههههه

22. عادل حجازى قال:
    أبريل 18th, 2008 at 18 أبريل 2008 2:23 م

    الجمييييييييييييل طاهر الصوفانى

    مستّنيك !!

23. عادل حجازى قال:
    أبريل 18th, 2008 at 18 أبريل 2008 2:25 م

    الغالية ليندا

    وتحية الك ولكل اهل سوريا الكرام !!

24. taha قال:
    أبريل 18th, 2008 at 18 أبريل 2008 3:36 م

    بس الله
    
    الله يفتح عليك ياعادل احب اعرفك ان فى فترة المراهقة الشاعر ده بتكون حقيقية بالنسة
    
    لطرف الموضوع وهما مؤمنين بها وفى الحقيقة هى عبط وخداع وهما هيكتشفى ذلك بعد كدة بقتره من الزمن لان الموضوع دة مرتبط بالفرة وهيفضل يقع فى ذلك المراهقين
    
    مادام الاهل فى غفوة عن مبادى الدين لذلك نحن نريد جيل جديد يعرف حدود دينة فىكل تعاملاتة وخاصة فى ذللدك الموضوع اما بالنسبه للشباب اللى عدى مرحلة المراهقة
    
    بيعتبروا ذلك تسلية وتمضية وقت وانة من الشطارة والفهلوة معرفة اكبرعدد من البنات
    
    وكذلك بالنسبة للفتيات احب اذكرهم بقول النبى صلى الله عيلة وسلم (افعل ماشئت كما تدين تدان) اى كل كلمة ولمسة وووووو………. تكب عليك فى صحيفتك عند ربك
    
    وسوف يجازيك الجزاء الاوفى سواء فى الدنيا والاخرة
    
    واحب اعرف كل الناس ان مثل ذلك لايشبع الغريزه
    
    احب اعرف كل انسان يريد الارتباط يسلك الطريق الصحيح كما بينة لنا نبينا صلى الله علية
    
    وسلم
    
    وبدون ان نجرب او نختبر ندعوا الله بان يرزقنا بمن هى قرة عين لنا وينشرح لها صدرنا
    
    ولااريد ان اطيل عليك
    
    والسلام عليكم ورحمة الله وبركاتة
    
    محمد طه
    

25. عادل حجازى قال:
    أبريل 18th, 2008 at 18 أبريل 2008 3:40 م

    حبيبى محمد طه

    اخيييييييييييييييييييييييييرا

    نوّرت المدونة يا جميل

    ودامت الصداقة والاخوة فى الله - وجزاك الله كل خير

26. احسان نور الدين محمود خصاونه قال:
    أبريل 18th, 2008 at 18 أبريل 2008 5:08 م

    اخي العزيز تحية وبعد

    سررت بمقالتك وبتصفح مدونتك الهادفة

    حتى الشاب الغير ملتزم والذي يقبل لبنات الناس الاساءة ولا يقبلها لاخواته

    عندما يرغب بالزواج لا يفكر الا بالشريفة التي لم تصادق احدا

    صدقني عندما يكون الزواج سهلا لن يكون هناك انحراف

    لكن ماذا يفعل الشاب والفتاة في ظل هذا الغلاء الفاحش

    ادعو الاغنياء الى انشاء جمعيات تساعد الشباب على العفة بتقديم القرض الحسن للراغبين في الزواج

    ادعو الاباء الى عدم المغالاة في المهور والطلبات كما ادعوهم الى الاهتمام بابنائهم ومراقبتهم طبعا بوجود عنصر هام اسمه الثقة

    ادعوكم لزيارة مدونتي وابداء ارائكم واقتراحاتكم التي تعني الكثير لي خاصة ان اهل الكنانة مصر هم اوائل مثقفي العالم العربي

    ihsankhasawneh.maktoobblog.com

27. محمد رمضان قال:
    أبريل 18th, 2008 at 18 أبريل 2008 7:00 م

    إدراج مهم جدا
    
    محتاجين هذا الأسلوب العامي البسيط في توصيل المعلومة بطريقة ذكية وسهلة
    
    بارك الله فيك

28. cinderella قال:
    أبريل 18th, 2008 at 18 أبريل 2008 10:26 م

    اخ عادل
    
    عندي سؤال هيموتني
    
    طيب البنات وهيموتوا علي الجواز ولا كانه نعمه اللي ما يشوفها يعمي
    
    طيب ايه مبرر الولد اللي مستهبل وعايش الدور ده
    
    بجد والله هموت واعرف
    
    ما البنات النص لبه علي قفا مين يشيل
    
    يروح يدور علي بنت غلبانه ويعمل فيها روميو ليه بقي؟؟؟؟
    

29. عاشــــــقة الورد قال:
    أبريل 19th, 2008 at 19 أبريل 2008 1:16 ص

    الاخ عادل
    
    كل ما جاء في الادراج حقائق ثابتة وستظل ثابتة في غياب منظومة القيم
    
    ادراج يحمل رسالة واضحة للمجتمع خاصة المجتمع العربي
    
    تقديري لك

30. ميسى محمد قال:
    أبريل 19th, 2008 at 19 أبريل 2008 12:03 م

    صباح الخير الاخ عادل ……..

    متمنياتي لك بيوم جميل…….

    تحياتي ……….

31. عادل حجازى قال:
    أبريل 19th, 2008 at 19 أبريل 2008 12:26 م

    الغالية ام ليث

    دائما ما تضيفين العمق بتعليقاتك لمدوننتى بوجودك الثرى الراقى

     

    ————————————-
    ————————————
    ————————————
    الاستاذ الفاضل احسان

    اشكرك سيدى لزيارتك وكلماتك …واؤيدك فيما ذهبت اليه تماما ….فالمحرّك الاساسى لكل هذه التصرفات المبتذلة بين ابناءنا وبناتنا هو غياب البديل الشرعى …..الزواج !

    مع كل المصاعب التى تقف حجر بل احجار عثرة فى سبيل هذا الزواج !

    ملاحظة رائعة وسديدة بالفعل

    وبالنسبة لزيارة مدونتى فالشرف لى سيدى ان ابادلك الزيارة

    وتقبل تحياتى واحترامى العميق

    —————————
    ————————
    ———————–
    الاستاذ محمد رمضان

    اسعدنى تواجدك

    شكرا استاذى !

    ——————-
    —————–
    —————–
    العزيزة سندريلا !

    للاسف البنات - الا من رحم ربى - يميلون الى تفضيل الولد "" الدنجوان """ المشهور بأنه مقطّع السمكة وديلها ….اما النوعية الاخرى فبيتقال عليه دة خام……قفل….لخمة
    ما بيعرفش يقول كلمتين على بعض !!!!

    للأسف هى ثقافة مجتمع اثر منها مسألة تتعلق بالفتيات فقط او الصبيان !!

    ثقافة - مستوردة - تستحق النسف من الاساس !!!

    وبالمناسبة مسألتنيش يعنى عن الحكاية اللى فكّرتنى بيها قصتك ؟؟؟؟؟؟؟؟؟؟؟!!!

    صباحك جميل
    ———————
    ———————
    ——————–

    عاشقة الورد

    مفيش قنبلة جديدة ؟؟؟؟؟؟؟!!!!!!!!!!!!!!

    اللى فاتت كانت حكاية يلّا مستنيين حاجة تانية !

    صباحك ورد !!!

    ———————
    —————–
    ——————-

    الاخت ميسى محمد
    صباح النور ! و فى انتظار موضوع جديد منّك

    تحياتى !

32. طاهر الصوفانى قال:
    أبريل 19th, 2008 at 19 أبريل 2008 2:45 م

    ايوه ياعم عادل اديني رجعتلك

    انت بقي ياعني الي عاملي فيها برم وكشفت يعني المستور

    طب ايه رايك الواحد بيشوف العيال دول معدين من قدامي بقي هموت من الغيظ

    العيل من دول مايسويش لامؤاخذه 3 تعريفه وبنطلون امه نازل منه ماعرفشي ايه الغيه فيهم

    يبينوا لامؤاخذه ؟——- والبت رافه البتاع الي مابصر ايه ده بيسموه بادي وصرتها باينه

    لامؤاخذه بردو وماعرفشي ايه الي بيعجبهم في بعض هي بتحب فيه ايه؟ ياتري

    الحته الي باينه من تحت البنطلون من الخلف بردو لامؤاخذه ولاهو ايه الي عاجبه في بنت

    الجزمه الي ماتربتش واهلها سابوها تخرج بالشكل ده

    معلشي ياعادل انت خلتني اطول لساني وانا لو اتفتحت في الموضوع ده يوووووووه

    وبعدين ياعادل المساله اصلها بقت بعيد عنك وعن السامعين بيسموها موضه

    حتي المشاعر والاحاسيس ليهم دلوقتي موضه

    لالا انت مواضيعك مش حلوه خالص هههههههههههههههههههههههه

    بتجيب الكلام ده منين

33. albasha33 قال:
    أبريل 19th, 2008 at 19 أبريل 2008 2:47 م

    تحياتي لك ,,,

    على - الكروديات المعبرة عن ذاتها ,,, وقد أمون أول مرة في الحقيقة أسمع بها

    وأقووول لك (( خوش كروديات ))

    تقبل مروري

34. شهرزادwsn قال:
    أبريل 19th, 2008 at 19 أبريل 2008 3:03 م

    مســــاء الخير

    مرور للسلام و إلقاء التحية

    و أرجع بعد القراءة

    بس شكله الموضوع خطييييييييييييييير

    سلامي

35. عادل حجازى قال:
    أبريل 19th, 2008 at 19 أبريل 2008 3:14 م

    الجميل طاهر الصوفانى

    ايه يا عم الغل دة كلّه ؟؟؟ انا حسيت ان فى طوبة حتتحدف عليّا - اقصد على المستهبلات والمستهبلين !!

    هو الحال من بعضه برضو فى المغرب ….ولا انت ساكن فى القاهرة ..ولا حكايتك ايه يا طهّوور !!؟؟

    مساءك فل - و مفيهوش استهبال !!

    ———————-
    
    ——————
    
    ———————

    الباشا 33 - عصام سعد الاردنى

    تحياتى ليك ولكل اهل الاردن !
    
    ————–
    
    ———–
    
    ————

    شهرزاد الرائعة !!

    مستنى بكرة الصبح رحلة باريس على مدوّنتك !

    تحياتى
    

36. شهرزادwsn قال:
    أبريل 19th, 2008 at 19 أبريل 2008 4:48 م

    مســـاءك رضا

    أيش هذا كله

    بعيد عن موضوع الصح والخطأ

    هذا شيء طبيعي و كل التصرفات

    الي ذكرتها من أساليب الدفاع النفسي

    و حماية النفس من الوحدة و الحرمان

    و كلنا كروداه مدري ايش هذي

    يعني كلنا بنضحك على نفسنا في امور و نعمل أشياء ممكن مو موافقين عليها بس أحنا محتاجين نعملها

    أنا سابقا ً كنت أنظر للناس هذي نفس نظرتك الغاضبة المستنكرة

    بعدين صرت أشفق عليهم و أفكر في الظروف اللي حدتهم يعملوا كذا

    مش كل الناس عندهم ثوابت و قيم و قناعات لا يقابلون التنازل عنها

    و مش كل الناس صادقين مع أنفسهم

    تعرف الناس مثلنا اللي متمسكين بقيم و قناعات و مثل هم الكرواديين في هذا الزمن

    رغم كل شيء

    لن نقبل مصرع الضياء

    أحترامي لك

37. ليالي و حنان قال:
    أبريل 19th, 2008 at 19 أبريل 2008 6:19 م

    :
    
    عادل حجازي

    تحية عطرة

    قـال تعالى : ” و لا متخذات أخدان ”

    كل خائن سياتي يوم القيامة براية كتب عليها غدرته ليفضح بها يوم القيامة !

    جلّ الثناء لشخصك الكريم

38. طاهر الصوفانى قال:
    أبريل 19th, 2008 at 19 أبريل 2008 7:40 م

    ياعم عادل

    انا ياخويا مصري مش هندي ولالوندي

    وتعالي بقي عاوزك شويه

    مستنيك

    وعلي فكره انا مقيم في 6 اكتوبر

39. maya قال:
    أبريل 19th, 2008 at 19 أبريل 2008 7:58 م

    المشكله كلها مش في الحب المشكله في الخداع والناس الي ماخذه قلوب الاخرين
    
    استبنه شيء لزوم الحاجه والضرورة واقات الفراغ

    الحب الحقيقي موجود بس مش عارفه انا عندي حقيقة قاسية ان اغلب قصص الحب
    
    نهايتها مش الزواج

    معادله مش مفهومة بس هيا كده
    
    تجيبها كده توديها كده الحب كده ههههه

    استمتعت جدا بالقراءة لسطورك

    يعجبني في اسلوبك المامك بالمووضوع من كافة الجوانب وياويل البت الي توقع تحت قلمك هههههههه

    تحيتي لكَ

40. الرباب قال:
    أبريل 20th, 2008 at 20 أبريل 2008 11:51 ص

    مساؤك ورد وعنبر

    موضوع جيد جدا ويا ليت المعني يفهم ويستفيد ………………..

    دمت بكل خير

    مع تحياتي,,,

41. عادل حجازى قال:
    أبريل 20th, 2008 at 20 أبريل 2008 12:20 م

    الرائعة شهرزاد

    طاب يومك

    العمر الطويل للباطل لا يحوّله ابدا الى حق !

    والشرفاء مهما قلّ عددهم …هم ( الاذكياء ) صدقينى !

    دمت بكل الخير

42. عادل حجازى قال:
    أبريل 20th, 2008 at 20 أبريل 2008 12:21 م

    ليالى وحنان

    شكرا لتعليقك القيّم السديد

    تحياتى العميقة

43. عادل حجازى قال:
    أبريل 20th, 2008 at 20 أبريل 2008 12:22 م

    المشاغب طاهر الصوفانى

    قلت اللى عندى - عندك ……..فى مدونتك !!

    سلام مؤقت !!

44. طاهر الصوفانى قال:
    أبريل 20th, 2008 at 20 أبريل 2008 12:23 م

    صباح الخير ياعادل

    اولا بشكرك علي التواصل

    ثانيا وبجد انا بحب اعرف رايك في كتاباتي

    ولو تقولي نقدك في كلامي بصراحه والله هيزيد احترامي ليك

    لاني بحترم رايك جدا ومش هتصدق انا بتابع تعليقاتك عند الناس

    وعلي فكره ياعادل والله العظيم انا بكتب لنفسي فقط ؟

    موضوعك هنا بجد عجبني اوي واسلوبك الساخر فريد

    بس نفسي تقول بطريقه الشعر الي في الادراج الي فات

    لان فيه مزيكا حلوه اوي

    او ممكن مع كل ادراج تقول كام بيت شعر زي كده

    فاهمني

    انا بقولك كده لاني بحبك من خلال اعمالك

    ولان حسيت بينا عامل مشترك

    تحياتي

45. عادل حجازى قال:
    أبريل 20th, 2008 at 20 أبريل 2008 12:24 م

    الغالية مايا

    حب انتهى الى زواج …قصدك زى ضرب افضى الى موت !!

    حرام عليكى

    مش للدرجة دى !!

    شرفتينى بزيارتك

    دمتى بود

46. عادل حجازى قال:
    أبريل 20th, 2008 at 20 أبريل 2008 12:25 م

    الغالية رباب

    دمت واهل فلسطين الاعزاء بكل الخير

    تحياتى

47. عادل حجازى قال:
    أبريل 20th, 2008 at 20 أبريل 2008 12:33 م

    الجميل طاهر - اللى نفسى اقابله فى الحقيقة - مش على النت !!

    بص يا سيدى

    الشعر اللى انت كتبته المرة الاخيرة هو الافضل والانضج بمراحل من اللى قبله - صريح اهوه ! - فعلا والله مش برفع معنوياتك

    يعنى فيه - طفرة - بين دى واللى قبلها بتاعت اللى مفيش رجاله !!

    يمكن عشان انت مغلول المرة دى من حاجة …مفروس من حاجة ..حتتفرتك من الغيظ من حاجة …من واحدة !!!! فطلعت من القلب قوى فوصلت هوا !

    وهنتكلم عن الشعر اكتر واكتر بعد كدة

    وبعدين انت بتابع تعليقاتى على الناس كمان ؟؟؟؟ تصدّق كدة انا خدت فى نفسى ( كف ) محترم !!

    حتخلينى اتغرّ بكلامك الحلو

    انت بس عشان جميل شايف الناس كلها حلوة

    وتقبل محبتى واحترامى - يا بلدياتى يا جارى !!

48. damas_2008 قال:
    أبريل 20th, 2008 at 20 أبريل 2008 1:44 م

    ما اروعك

    ما افظعك

    ما اسودك !!!!!!
    
    هههههههه لالا انا مش هعمل زى كدابين الزفه
    
    بس بجد بجد موضوع تحفه جدااااااا
    

49. سلامه ابن ابو سلامه قال:
    أبريل 20th, 2008 at 20 أبريل 2008 3:40 م

    انت بتجيب الكلام ده منين ياعادل ….؟؟؟؟؟ كروديات …ومستهبلات…وقبل كده الفشلات…وبنات الرنات …والتعلب فات فات وفى ديله سبع لفات….الصبيان والبنات اللى بتكتب عنهم دول ياعادل …اسمهم المراهقين…ودول عايزين عناية ورعاية من أهلهم وغير أهلهم ….إنما لما تيجى للناس الكباره اللى زى عمك سلامه ما لاتقيش الحاجت دى أبدا ياعادل ….الا هو انت عندك كام سنه يابتاع الدندى…اللى قلت انه عندى..؟؟؟

50. mona sawy قال:
    أبريل 20th, 2008 at 20 أبريل 2008 3:41 م

    **…الأخ العزيز عادل..

    …اللي عنده بنت انهارده عايش و عينيه وسط راسه

    …و اللي عنده ولد مش لاقي له راس أصلاً يحط عينيه فى وسطها

    ..أنا عندي تلات بنات..أصغرهم عندها عشرين سنه و في الجامعه..

    ..أبوها بيدلعها أم المعارك..و انا باقول عليها انتقام ربنا

    ..لأنها نسخه منى بس انتاج الألفيه التالته..يعني فول أوبشن..لماضه و عفرته
    
    .
    

51. سلامه ابن ابو سلامه قال:
    أبريل 20th, 2008 at 20 أبريل 2008 3:42 م

    الا هو انت وديت تصويرتك الحلوة فين ياعادل..؟؟؟ انت مش كنت حاطط تصويرتك فوق ..؟؟؟ شيلتها ليه..؟؟؟ دى حتى كانت تصويره كلاتها وسامه ياواد انت ياوسيم

52. سلامه ابن ابو سلامه قال:
    أبريل 20th, 2008 at 20 أبريل 2008 3:43 م

    سامحنى على التأخير ياعم عادل …أصل أنا كنت مشغول حبتين مع موزه …أصلها لسه بعافيه شوية …ولما تشد حيلها ح ابقى أجيب لك تصويره ليها تتفرج عليها …ادعى لها انت بس .

53. eman_m_ قال:
    أبريل 20th, 2008 at 20 أبريل 2008 5:04 م

    شكرا للمعلومه اللطيفه

    كن بحب

54. drreyad قال:
    أبريل 20th, 2008 at 20 أبريل 2008 6:09 م

    مساء الفل على الزملكاوى المرح ….
    حبيت امر للتحية و السؤال عن الاحوال …
    كيفك يا صديقى ؟

55. إشراف شيراز قال:
    أبريل 20th, 2008 at 20 أبريل 2008 9:18 م

    عزيزي ………..

    دون مجاملة ادراج رائع ذكي و هادف و فيه كثير من العبر باسلوب سلس و خفيف الظل

    تحفه ….أبدعت …..شكرا على تواصلك…

    ادرجت جديد ….في انتظار تشريفك ………………………..مودتي

56. محمد حماد قال:
    أبريل 21st, 2008 at 21 أبريل 2008 4:31 ص

    رأيتها بنفسي، وما تزال صرختها تطن في أذني، كانت وأمها تقفان أمام محل الفول والطعمية الشهير، في تقاطع شارعي فيصل مع المطبعة، كانت الفتاة توشك أن تقضم القضمة الأولى من الساندويتش الذي بيدها، فإذا بها تصرخ خوفاً وصوتها يتداخل مع صوت أمها الذي انطلق يطلب النجدة ويملأ المكان هلعاً.
    

57. أريج الكلمات قال:
    أبريل 21st, 2008 at 21 أبريل 2008 7:20 ص

    عزيزي عادل

    للأسف لغاية 10 سنين فاتوا بس كان الصعيد بخير .. لكن برضة الصعيد انضرب يا رجالة والتظبيط بقى على ودنه

    ربنا يرحمنا جميعاً من التظبيط وتوابعه من جواز عرفى وخلافه

    يار راجل ده فى واحده جارتى اتجوزت عرفى وهى فى تانيه اعدادى .. واتجوزت عيل فى سنها .. جاتنا نيله فى حظنا الهبـــاب.

    موضعوعك جميل وأسلوبك ممتع .. تستحق كل التحية والتقدير

58. مريم العجيلي قال:
    أبريل 21st, 2008 at 21 أبريل 2008 8:20 ص

    والله اعلم باني امس علقت على الكردية ده

    بس مش لقيه

    مايكونشي راح مع الكرديات .؟؟؟؟؟؟؟؟؟

    على كل حال

    مرور صباحي وساحاول تذكر ما كتبت امس

    بس هو الكردية اكثر من كده

    يالا صباحو

59. ماجد عبد الحميد قال:
    أبريل 21st, 2008 at 21 أبريل 2008 8:31 ص

    مدونتك جدا جدا رائعة ومتميزا بكل ماتحويها من افكار ومواضيع
    
    كل الشكر والتقدير ومزيدا من التقدم والازدهار
    
    ولا تنسوا زيارة مدونتي

60. الفرسان قال:
    أبريل 21st, 2008 at 21 أبريل 2008 9:03 ص

    اخي العزيز عادل :
    
    تحية يفوح منها الاريج …. ولك بالغ الشكر والتقدير على كلماتك … واسألك في البداية لما احذف تعليقك فليس فيه ما يسيء لشخصي… وهذا رأيك لك مطلق الحرية ان تبديه … ولا تظن اني وضعت هذه القصيدة الا للنقد واظهار الرأي فيها هذا اولا .
    
    ثانيا .. لو امعنت النظر لوجدت انها مكتوبة باللهجة العامية البيضاء .
    
    ثانيا … حاشا لله انم ازج بلفظ الجلالة بما لا يليق به ولكنك لست بحاجة لان ابين او اوضح لك معنى كلمة الرب هنا .
    
    ثالثا : لو دققت فيها لوجدت ان هناك تناصا دينيا مع سورة يوسف وصاحبيه … ولم يقم يوسف بشخصه بتأويل الرؤيا او الكابوس ولكنالامالتيهيالاقرب للانسان من اتخذت دور المفسر للكابوس . وعندما فسرته تذكر من رأى الحلم انه ارتكب الخطيئة واطاع الشيطان في لحظة ما
    
    تقبل خالص مودتي وبالغ احترامي وتتقديري

61. عادل حجازى قال:
    أبريل 21st, 2008 at 21 أبريل 2008 11:14 ص

    ابو قلب كبير الحاج سلامة

    يا باشا مش عارفين نودى جمايلك فين ومنوّر المدونة والدنيا كلها !

    عندى كام سنة ؟؟؟؟!

    مش حاقولك !

    التصويرة راحت فين ؟؟؟؟!!

    بينى وبينك بتفاءل بصورة الاسد دى !!!

    بجيب الكلام دة منين ؟؟؟

    من الدنيا والبنى الادميين - يعنى حيكون من السوبر ماركت !!!

    وبعدين انا مواضيعى مش خاصة بالمراهقين - دى خاصة بكل الفئات السنيّة !

    بس يمكن تبان اكتر فى مرحلة الشباب فعلا

    واخيرا الف سلامة على موزة

    وكلك واجب يا بو الذوق والاصول !

    و عايزين نقرى حاجة جديدة !!!

    صباحك حليب !!

62. عادل حجازى قال:
    أبريل 21st, 2008 at 21 أبريل 2008 11:15 ص

    داماس

    انتى اللى دماغ !

    ربنا يخلّيكى

    صباح العسل !

63. عادل حجازى قال:
    أبريل 21st, 2008 at 21 أبريل 2008 11:19 ص

    الاستاذة منى صاوى

    شرّفتينى جدا جدا جدا

    وشكلك مش بس كاتبة رائعة - وام كمان رائعة

    ربنا يباركلك فى بناتك ويحفظهم من كل سوء

    بس يا ترى حد فيهم وارث موهبة الكتابة ؟؟؟؟

    تحياتى - ودمت بألف خير

64. عادل حجازى قال:
    أبريل 21st, 2008 at 21 أبريل 2008 11:22 ص

    خيال الانثى

    نوّرتينى بوجودك

    اشكرك وتحياتى

65. عادل حجازى قال:
    أبريل 21st, 2008 at 21 أبريل 2008 11:26 ص

    الروائية ( القنبلة ) اشراف شيراز !!

    تشرّفت بوجودك وتعليقك - الذى انتظره عند كل ادراج لى !

    وادراجك الجديد ……….مبهر بمهنى الكلمة !

    وحعلّق عليه تفصيلى على مدونتك

    تحياتى لك - ولكل اهل تونس الرائعين !

66. عادل حجازى قال:
    أبريل 21st, 2008 at 21 أبريل 2008 11:28 ص

    الاستاذ محمد حماد

    شكرا !
    ————–
    ————–
    ————

    العزيز جدا اريج الكلمات

    صدمتنى

    جدا

    جدا

    جدا !!!!!!!!!

67. عادل حجازى قال:
    أبريل 21st, 2008 at 21 أبريل 2008 11:30 ص

    الاستاذه مريم - الليبية الراقية

    انا فى انتظار رجوع ذاكرتك اليك !!!!!!!!

    ههههههههههه

    صباحك جميل

68. عادل حجازى قال:
    أبريل 21st, 2008 at 21 أبريل 2008 11:31 ص

    الاستاذ ماجد عبد الحميد

    الف شكر لكلماتك - ولى الشرف ان ابادلك الزيارة !

    تحياتى - ودمت بود !

69. عادل حجازى قال:
    أبريل 21st, 2008 at 21 أبريل 2008 11:33 ص

    الاستاذه لوتس

    شكرا لاسلوبك الراقى !

    ولكنى ما زلت عند تحفظى !!

    ودمت بكل الخير والتقدير !

70. raeda_2008 قال:
    أبريل 21st, 2008 at 21 أبريل 2008 12:53 م

    أخي عادل
    
    يسعد مساك يارب وتكون بخير
    
    وشكرا للكلمات الجميلة على المقال
    
    جزاك اله خيرا

71. إشراف شيراز قال:
    أبريل 21st, 2008 at 21 أبريل 2008 1:10 م

    عادل حجازي ……….

    ردا على تعليقك لدي بمدونتي ………….:::::

    أهلا بك صديقي ……….شكرا لاطرائك و ثنائك……

    حين أكتب اريد ان يكون نصي باذخا بالاحساس فترسمه الكلمات تباعا دون تصنع

    و الحمد لله ” ما كنت يوما صوتا لغيري و ما كنت يوما صدى مستعارا” …….

    قد نتأثر بروائع من سبقونا بالابداع لكن يبقى اسلوبنا يصور لوننا المنفرد ……….

    أما عن الاخطاء المطبعية فلقد حاولت تعديلها لكن مكتوب خذلني في انتظار فرصة

    لمراجعة الاخطاء ….شكرا لتنبيهك عزيزي ……

    في انتظار هطولك نكتفي بهذه القطرة …..

    دمت بود

72. سلامه ابن ابو سلامه قال:
    أبريل 21st, 2008 at 21 أبريل 2008 1:10 م

    الا هو انت فرحان عشان ام ليث كتبت موضوع يثبت صحة موضوعك بتاع المستهبلات ياعادل….؟؟؟ وبعدين هو انت كل موضوع ح تكتبه ..ح تروح تشوف ام ليث كتبت ايه..؟؟

73. عادل حجازى قال:
    أبريل 21st, 2008 at 21 أبريل 2008 1:42 م

    الحاج ابو سلامة ابو قلب كبير

    آه !!!

    بالعند فيك !!!

    يومك زى الفل !!

74. عادل حجازى قال:
    أبريل 21st, 2008 at 21 أبريل 2008 1:46 م

    الغالية ام ليث

    شفتى الحاج سلامة - زعلان انى بستشهد بيكى !!

    اعرفى شغلك ويّاه

    هههههههههه

    ————–
    
    ————-
    
    ———–

    الصديقة اشراف

    اشكرك

    وفى انتظار روايتك - فعلا - بفارغ الصبر !

75. طاهر الصوفانى قال:
    أبريل 21st, 2008 at 21 أبريل 2008 2:40 م

    اخي وصديقي اللدود عادل

    ودا اسمك الجديد من النهارده

    نهارك جميل زي قلبك

    وبسسسسسسسسسسسسسس

    العين بالعين والبس بالبس

    ههههههههههههههه

76. drreyad قال:
    أبريل 21st, 2008 at 21 أبريل 2008 4:56 م

    طيب يا عدول مش واجب تبارك لى على الدورى ؟؟؟؟
    خللى روحك رياضية …..
    و لو انى حاسس انكم هاتخسروا من الحرس بعد شوية ….. و انا احساسى مابيكدبش …..
    تحياتى

77. عادل حجازى قال:
    أبريل 21st, 2008 at 21 أبريل 2008 5:05 م

    الدكتور محمد رياض

    ايه دة ؟؟؟

    فيه فريق اسمه الحرس ؟؟؟؟؟؟؟؟؟؟!!!!!!!!!!!

    ومبروك ياباشا ع الدورى - بس ايه الجديد يعنى ؟!!!!!!!!

    تحياتى يا كبييييييييييييييير
    

78. loly قال:
    أبريل 21st, 2008 at 21 أبريل 2008 9:50 م

    الزميل عادل ظننت في بداية الموضوع ان بقيته فكاهه ولكن رايت في آخره معجزه حقا وفقك الله ولكن احب الفت نظرك ان البنت التي تحمل صفات الأم المخلصة قديما مازالت موجوده ولكن في الطبقات التي يطلق عليها اصحاب الارستقراطيه المزيفه اسم ( المجتمع المغلق ) لا أقصد موجوده بالطبقات الفقيرة ولكن اصحاب هذا المجتمع الغير متفتح بمعني اصح من وجهة نظر المتطرفين الذين يحاولون أن يكونوا غافلين عن الدين

79. cinderella قال:
    أبريل 21st, 2008 at 21 أبريل 2008 10:31 م

    طيب فين الجديد؟؟
    

80. طاهر الصوفانى قال:
    أبريل 21st, 2008 at 21 أبريل 2008 11:56 م

    اخي وصديقي اللدود عادل

    مرور مسائي محبه وهرتله

    واطمئنان علي شخصك الكريم

    دومت بكل خير

81. د/شيرين الالفى قال:
    أبريل 22nd, 2008 at 22 أبريل 2008 5:41 ص

    الاخ الفاضل الاستاذ عادل مدونتك رائعه والموضوع جميل واسلوب حلو جدا للدعوه فعلا لازم تكلم الشباب باسلوبه حتى يدخل الكلام قلبه وعقله فعلا يمكن ده اللى انا بفتقده انى عماله اتكلم باسلوب ممل فى الدعوه ربنا يوفقك يارب وارجو ان تستمر فى هذه الموضوعات المميزه الهادفه.

82. Muhammad Yassein قال:
    أبريل 22nd, 2008 at 22 أبريل 2008 9:18 ص

    اخي العزيز عادل حجازي
    
    كم اسعدني الاشتراك في مدونتك الرائعة التي تعد تعبيرا صريحاً جريئاً للواقع الذي نعيشه و و نلمسة و ندركة و نعيش فيه غصب عنا و نتأسف على ما نحن فيه و الذي اسأل الله تعالى ان يعافي امتنا منه ..
    
    و قد اعجبتني فكره المستهبلات ….

    المستهبلات في أمها

    مستهبلات في امها و مش لاقيه حد يلمها او حتى في يوم يضمها و يقولها و يشرح

    لها ..بلاش وحياة ابوكي استهبال في امها

    مهو العيب مش عليها ولا على امها … مهي مقلتش حد يلمها.

    عامله فيها عبيطه .. اسف مستهبله في امها .

    غيرت في طبيعتها و خلقتها بكيفها و بخترها .

    و بتحارب الرجال علشان ملقتش راجل يعلمها و يربيها و يلمها .

    و كشفت العورات و لبست المحزق و الملزق يمكن في يوم كلب يشمها.

    و استهبلت في امها

    و طالبت بتعدد الازواج و كأن الزنا في دمها .

    و نادت بخلع الحجاب و النقاب و قالت ده تخلف و رجعية مش قادرة تنسى اصلها.

    و استهبلت في امها.

    و طالبت بالسفر و الهجرة و الغربة بدون اذن ولي امرها .

    ربنا يسترها علينا و على عرضها .

    و علشان تربيتها غلط و متخلفه و مغضوب عليها و على امها .

    حاربت مجتمع ودين و طالبت البنات الطيبه بنات الناس يبقوا زيها .

    علشان كده غيرت و بدلت و استهبلت في امها .

83. عادل حجازى قال:
    أبريل 22nd, 2008 at 22 أبريل 2008 3:22 م

    لولى

    كلام كبيييييييييييييييير جدا انا ماستحقش ربعه !

    اشكرك
    —————————-
    ———————-
    ————————
    سندريلا

    الجديد وصل من الصبح
    انتى اللى فين ؟؟؟؟؟؟؟؟؟!!!!!!!!!!!!!
    ——————–
    ——————
    ——————-

    الجميل طاهر

    مرور مغربى- قبل المغرب - يعنى - يومك فل
    ————-
    ————-
    ————-

    دكتورة شيرين

    شرّفتينى جدا جدا جدا

    ربنا يباركك ويحفظك

    تحياتى
    ———————
    ——————
    ———————

    محمد على ياسين

    صاحب عمرى

    والراجل اللى بعد ربنا سبحانه وتعالى ليه فضل عليا طول حياتى

    لحد ما اموت !!

    الف مليون مليار شكر يابو شهاب !
    
    
    

84. طارق الغنام قال:
    أبريل 22nd, 2008 at 22 أبريل 2008 6:42 م

    الرائع عادل
    
    مافيش بنت كروديا فى الزمن دة
    
    الكروديا يعينى الاب والام اللى بيعطوا الفتاة مساحة حرية اكتر من الازم وعدم متابعة البنت
    
    موضوعك رائع
    
    متعك الله بالحب والصحة والعافية

85. هشام حسن قال:
    أبريل 22nd, 2008 at 22 أبريل 2008 7:45 م

    هههه موضوع طريف جدا ، و لكنه واقعي و حقيقي جدا

    تحياتى

86. عادل حجازى قال:
    أبريل 23rd, 2008 at 23 أبريل 2008 10:16 ص

    البورسعيدى الجميل طارق الغنام

    تشرفت جدا بزيارتك لمدونتى

    وتقبل اعمق تحياتى لك ولاهل بورسعيد

    اشكرك من قلبى
    
    —————
    
    —————–
    
    —————

    هشام حسن

    الف شكر

87. احمد عبد القادر قال:
    يونيو 3rd, 2008 at 3 يونيو 2008 4:07 م

    عم عادل اخيرا شفت مدونتك انت وحشنى جدا جدا اخوك احمد عبد القادر عايز اشوفك ضرورى جدا واتكلم معاك انا فرحى انشاء الله فى 27/6 فى حديقة بدر اللى فى جسر السويس واخيرا هبقى من الكروديات ههههههههههههههههههههههههههههههههههههههههههههههههههههههههههههههه عايز اشوفك اديلك كاردت الدعوة بتاع الفرح

اكتب تعليــقك

 
السلام عليكم و رحمة الله و بركاته