1. حسين نورالدين حموي قال:
   أكتوبر 11th, 2009 at 11 أكتوبر 2009 4:55 م

   أعدت الذكرى عندي لعام 1991 رغم أن تجربتي في الجامعة كانت قصيرة .

2. ameera77 قال:
   أكتوبر 11th, 2009 at 11 أكتوبر 2009 5:30 م

   مساء الانوار استاذنا الفاضل

   اول اسبوع في الجامعة..ياااااااااااااااه

   لازم تفكرني باول امبارح يعني

   الحمد لله الزهايمر بينسيني الايام الحلوة والسودة

   كل اللي فاكراه الدكاترة اللي مش بيبطلوا شرح رغم ان اللي قاعدين مش فاهميين أيتها حاجة

   والعيال الفسافيس اللي جايين يتفرجوا على بعض

   هههههه وكل واحد لابس اللي على الحبل

   وقعدت حوالي الاسبوع الاول كله احفظ في

   احفظ في

   مش المذكرات لا …في اسامي المدرجات عشان ااقدر ااقرا الجدول واعرف هامشي فين بالظبط

   دي كانت اكبر مشكلة

   سلامي

3. مجهول قال:
   أكتوبر 11th, 2009 at 11 أكتوبر 2009 6:36 م

   مساء الأنوار عليك يا أجمل الناس
   أول يوم لى فى الجامعــــــــــــــــــــه
   انه حقاً موضوع شيق…. ومثير …وجذاب
   ….تــهــت..!!! , نعم تهت ولكن لم أكن وحدى كان معى صحبه حلوه من ثلاث أصدقاء .. أما الأول والثانى فهم يسبقونى بعام اى أنهم كانى فى الصف الثانى من العام الجامعى
   والثالث كان مثلى لم يكن له سابق زياره للجامعه المرموقه عين سمش …مع إن المسافه بين البيت والجامعه تقدر ب 10 دقائق فقد …!! تصور.. ! سارت بنا العربه التى نركبها دون أن نشعر ونحن نهرج ونضحك …حتى بعد أن تهنا ظللنا على هذه الحاله إلى أن وصلنا إلى الجامعه ..وهناك انفصلنا .. أما انا ذهبت مع صديقى إلى المدرج ..اول مرة ارى فيها المدرج… زهـلــــــــت !!!
   ليس من المدرج ولكن من هذا الذى رأيت به !!
   على باب المدرج ..وجدت..
   وجدت ناس كتيييييييييييييييييييييييييييييير
   قــــــــــــوى.. جداًً.. خالـــــــــــــــص
   عدد كبير جداً من الطلبه والطالبات .. وتسألت ..؟؟ قالوا إن المدرج الأخر المخصص للطلبه تجرى عليه تجديدات ولم يفتح بعد … وسيفتح بعد أسبوع من بدأ الدراسه..
   المهم …أنى قررت أن أقتحم… نعم أقتحم هذه الأجساد القويه ..والضعيفه !!…الخشنه والناعمه !!…ومحدش حاسس بحاجه وكله ..إقتحام!!
   ما يقرب من الربع ساعه حتى تمكنت من الوصول ..إلى باب المدرج..ياه أخيراًً وصلت.. كانت الملابس قد بللت حيث كنا فى فصل الصيف وهذا مما عقد اللأمور بعض الشىء
   وتذكرت أن معى صديق فالتفت وجدته محشور مثلى يحاول الإقتحام ..!!
   هذا الحشدالكبير ماذا ينتظر ؟؟
   ينتظرون الدكتوره عميده الكليه لتلقى كلمة الترحيب
   ووقفت أنتظر صديقى حتى يلحق بى على باب المرج عند أخر بنج …وفجـــــــــأه..!! حدثت المفاجئه …
   إثنين من الفتيات ومعهم شاب كانوا جالسين على أخر بنج وقرروا الخروج…هههه…لقد جأت الفرصه .. ولكنهم أخبرونى أنهم عائدون مرةً أخرى… المهم أنى جلست وصديقى حتى يعودوا… ثم عادت الفتاتان من دون الشاب ..فلم نترك أنا وصديقى المكان ..ولكن جلسنا نحن الأربع فى مكان لايتسع بأى حال إلى ثلاثه أشخاص !! ..نعم جلسنا نحن الأربعه… ثم تعارفنا ..ولابد أن نتعارف طبعاً ..مش إحنا فى الجامعه..؟؟؟هذا هو أول يوم.. تحبو أحكى الباقى
   ولا دمى تقيل…؟؟؟

4. عادل سعيد قال:
   أكتوبر 12th, 2009 at 12 أكتوبر 2009 1:29 م

   @@@@
   @@@@

   @@
   @@

   أبشروا يا قوم …
   فقد تم حسم مشكلة الأخوان ..

   و تغيرت الخريطة السياسية بالمحروسة ..
   إنها …

   ..

   قنبلة الأخوان ..

   @@
   @@

5. hamdy60 قال:
   أكتوبر 12th, 2009 at 12 أكتوبر 2009 7:45 م

   الاستاذ/عادل حجازى
   اخترت ان اعلق هنا على هذا الادراج بعد ان اكتفيت فعلا” من المناقشات والحوارات التى دارت بينك وبين اثنان من المعلقين الاكفاء الاستاذ حسن مدنى ود.سيد مختار وما اردت قوله قيل وباستفاضة لن تقدم او تأخر عما قيل فى موضوع سليمان خاطر .
   اتذكر اليو الاول لى بجامعة حلوان وتحديدا” كلية الهندسة والتكنولوجيا والمشوار الكبير من محطة المترو الى باب الكلية التى لا اعرف لماذا اختار المصمم لها هذا المكان الجبلى المقفر .
   المهم اننى كنت فى غاية النشاط والشوق الى الدراسة ووالتعرف على الكلية بجولة استطلاعية للمدرجات والكافيتيريا ورعاية الشباب حيت سمعنا عنها قبل ابتداء العام الجمعى بأنها تمنح الطلاب الغير قادرين معونات نقدية ، وذهبت مع زملائى لنقل الجدول من على اللوحة وبقى ان نعرف اماكن المحاضرات والسكاشن ،ووتم ذلك وعرفنا الاماكن جميعها ولم تكن فى نفسى تلك الرغبة فى التعرف على الطالبات كما رأيت التسابق على التعرف عليهن وقتها ، المهم انه كانت هناك محاضرة للدكتور الدهيمى وكان كما سمعنا من الطلاب القدامى انه رجل يجب ان تبتعد عنه ولاتجلس امامه فى المدرج لانه له كل عام ضحايا يحرجهم اشد الاحراج امام الطلاب اذا بدرت منهم بادرة لاتعجبه ،ولم اعبأ بمثل هذه الاقاويل وجلست فى ابنج الثانى امامه ،وكعادة الطالب المستجد ان يستغرب المحاضرات والمصطلحات الانجليزية الكثيفة بها والسرعة فى الشرح مما يجعلك تلهث فى الكتابة وراء الدكتور ،الا ان حدث ان ضحك احد الطلاب ولمحه الدكتور الدهيمى وكان العقاب جماعيا” فأخذ اسماء كل من جلس فى هذا البنج وكنت منهم ،واسودت الدنيا فى وجهى ،وعلى الفور نزلت الى شئون الطلاب لاقوم باجراءات التحويل الى هندسة شبين الكوم ،حيث كانت العائلة بمدينة طنطا وهى اقرب كلية الى بيت العائلة ولم اتردد فى القرار بالرغم من وجود شقة للاسرة بالقاهرة كنت اقيم بها ، ولما علم زملاء دراستى بما قمت به ،قاموا بالتحويل معى الى شبين الكوم هربا” من الدهيمى واللغة الانجليزية والبحث فى القاموس عن المعنى المرادف طيلة الليل .
   وكان الاسبوع الاول لى بالكلية هو استغراب وكان نتيجته الهجرة من القاهرة الى اقليم وسط الدلتا.
   ذكريات مضى عليها الان 29 عاما”
   اشكرك لتجديدها فى ذاكرة الحاضر
   تحياتى ومودتى

6. elsamranet قال:
   أكتوبر 12th, 2009 at 12 أكتوبر 2009 11:11 م

   اعدتنى الى اواخر الثمانينات اول يوم اذهب اليه فى كليتى بجامعه عين شمس … التقيت بصديقاتى من الثانوى حيث اننا جميعا نسكن بالقرب من الجامعه …. دخلنا الى هذا العالم الكبير مندهشين من هذا الجمع الكبير …اخذنا جدولنا بعد معاناه كبيرة حيث انه كان تجمع رهيب من باقى الزملاء للسنة الاولى حول الجداول … وذهبنا الى مدرجنا بعد ان ارشدونا من سبقونا اليها قبلا…. كان العدد كبير بالنسبة لفصول الثانوى اللى كان اخرها 35 او 40 تلميذة …اتفاجئنا وبعد ما قعدنا فى احدى البنشات …التقينا ببعض الشباب كانوا فيما بعد اصدقائنا فى الاول كانوا بيغلسوا علينا بس بعدين اتعرفنا وقد تزوح واحد منهم احدى صديقاتنا. فعلاكانت احلى ايام حياتى

7. مجهول قال:
   أكتوبر 13th, 2009 at 13 أكتوبر 2009 9:52 ص

   اول اسبوع انا مرحتش ياعم الحاج كنت نايم فى بيتنا بس هستنى الموضوع اللى بعدة اللى هوة هيبقى (عملت اية فى الاسبوع التانى) thanks for u…….

8. مجهول قال:
   أكتوبر 13th, 2009 at 13 أكتوبر 2009 12:23 م

   الأستاذ عادل حجازى
   أول يوم رحت فيه الجامعه كان همى زى 90% من الشباب ما بيفكروا هو أزاى تتعرف على أكبر كم من البنات لأن البنات بتتحجز فى أول أسبوع وبعد كدا مش هتعرف تتعرف على حد
   ورحت وكان عندى أخباريه إن المدرج بتاع الكليه بيكون زحمه مووووت ودخلت لقيت المدرج فاااااااااااااضى مفيوش ييجى 100 طالب ففضلت قاعد أنا وزمايلى لحد ما الدكتور دخل وبدأ يشرح لقيت الكلام صعب ورخم والدكتور عمال يقول زى ما أنتم أخدتم قبل كدا وعارفين كذا
   سألت اللى جنبى هو أنتم فى سنه كام قالى فى رابعه فضلت أضحك أنا وزمايلى لحد ماخرجنا أتارينا دخلنا المدرج غلط بس وروحت لقيت اللى فى البيت عمالين يسألونى الجامعه أحسن ولا المدرسه وعملت أيه ؟؟
   هى دى حكايه أول يوم
   سلامى ……….وتقدريرى

9. Wahdah Wahedah قال:
   أكتوبر 13th, 2009 at 13 أكتوبر 2009 4:00 م

   انا عن نفسى فضلت “بطاطا” من أول يوم لآخر يوم
   ههههههههههههه

   و الله بجد
   مافتكرش حاجه غير مشوار السفر و المذاكره و الترجمه و المحاضرات و التعب و النوم أربع ساعات عشان تانى يوم

   بس خلاص
   

   راجعه بإذن الله

10. سجود سميح عليوي قال:
    أكتوبر 13th, 2009 at 13 أكتوبر 2009 4:24 م

    مسا الخير:
    أول أسبوع إللي بالجامعه..رحت وكنت مع صاحباتي بالمدرسة..طبعا ماما ما قبلت اطلعني من غير ما آخد السندويشه وكانت سندويش لبنه وخيارة..مع غنو ما حد بياخد سندويش ع الجامعه..هلأ بطلناها هالعادة
    :S
    وكنت شاريه شنته جديده ..وزي شنتات المدرسة لاني حتى الآن ومع تخرجي ما بحب شنتات النسوان والفشخرة وهالحكي الفاضي..بحب المدرسة كتير انا..وكان علينا امتحان مستوى انجليزي ع العشرة وبقيت انا ورفقاتي نستنى الجرس متجمعين ..وبعديا اصحينا ع حالنا إنو ما في جرس..
    بهاد الأسبوع كمان..
    إجا شب بدو يحكي معي ويطلب ياخد دفتري ينقل منو الماده..لأنو سجل متأخر..وانا كان تعليمي مع البنات بس بالمدرسة وعمري ما حكيت مع شب..فإجا هو ورانا وصرت انا ورفيقتي نركض نهرب منو بالجامعه..
    والله ما عارفه وين كان عقلي..
    :O
    بعدا هو سبقني وقلي : أخت سجود ممكن الدفتر..
    انا خفت كتير ورميت الدفتر إلو وهربت وروحت ع البيت أعيط..
    وأبكي بدي دفتري..
    ولأني أكبر وحدة بأخوتي فكلون خافوا علي وقالوا لي إزا ما رجعلي الدفتر تاني يوم رح يطلعو إخوتي يضربوه بالجامعه.ههههه
    .طبعا إخوتي صغار كتير,,ولساتون بالمدرسه..بس انا من كبر عقلي صدقتون..تاني يوم الشب رجع الدفتر لصاحبتي..وما إجو إخوتي يضربوه..لما بحكي هالقصه لحد بقعدو يضحكو علي..بس والله كنت خايفه
    

11. عادل حجازى. قال:
    أكتوبر 13th, 2009 at 13 أكتوبر 2009 5:49 م

    الاستاذ / حسين الحموى

    بتقول تجربتك فى الجامعة كانت قصيرة ..

    طيب

    فَرَق معاك فى حياتك تركك للجامعة ؟

    ولا المسالة سيان …اللى معاه شهادة جامعية زى اللى من غيرها ؟؟؟

    ………

    تحياتى .

12. عادل حجازى. قال:
    أكتوبر 13th, 2009 at 13 أكتوبر 2009 5:55 م

    AMERA77

    من كلامك ..حسيت ان الجامعة كانت ملل فى ملل

    جزء من قصيدة الرخامة والغلاسة فى حياتنا !!

    طيب هل لمجال الدراسة دور فى الحالة دى

    كان ليك رغبة فى كليّة تانية مثلا ؟

    عن نفسى

    كنت حاموت وادخل كلية اعلام …وفرقت على 4 درجات ..فدخلت كلية الشعب !!

    كلية التجارة - جامعة القاهرة

    بس ..مش ندمان على انى ما دخلتش اعلام !

    عشان اشتغلت فترة بسيطة فى الصحافة ..فبصمت بالعشرة ..ان الصحافة شىء

    والكتابة شىء آخر تماما !!

    واكتشفت أيضا

    ان اهم جامعة فى الدنيا ..هى جامعة الحياة نفسها !!

    كل ما هو خارج أسوار الجامعة !!

    !!!!!!!!!!!!!!!!

13. عادل حجازى. قال:
    أكتوبر 13th, 2009 at 13 أكتوبر 2009 6:00 م

    المجهول 3

    المهم الزحمة دى ..كانت على فراخ ولّا سكر ؟؟!!!!

    وبعدين

    شكلك عندك اهتمام خاص جدا بالزحام !!!!!!

    دى كدة مش جامعة يا صديقى

    دى اتوبيس

    !!!!!!!!!!!!!!

14. عادل حجازى. قال:
    أكتوبر 13th, 2009 at 13 أكتوبر 2009 6:11 م

    الصديق الجميل الأستاذ / حمدى البابلى

    شكرا لاهتمامك ومتابعتك

    ……….

    وبالنسبة لذكرياتك ..فقد ذكرتنى أيضا ببعض المرضى النفسيين من دكاترة الجامعات !!

    كان عندنا دكتور يتفاخر امام كل دفعة من ضحاياه ..اقصد..تلاميذه ..انّه إله التكاليف فى مصر - استغر الله !!

    المعتوه يظن نفسه أعلم الخلق !!!

    هذا المريض النفسى يعلم اسمه كل طلبة كليات التجارة فى القطر المصرى !!

    بإذن الله يكون مات والناس خلصت من قرفه ..عشان بصراحة انا مش متابع !!

    رحمنا الله من هؤلاء المجانين .

15. عادل حجازى. قال:
    أكتوبر 13th, 2009 at 13 أكتوبر 2009 6:17 م

    ELSAMRANET

    ونا كمان كانت من احلى ايام حياتى فترة الجامعة

    وأعز اصدقاء العمر ..خرجت بهم من الجامعة ..لامن المدرسة ..ولا من الوظيفة !!

    ومثلك أيضا ..رأيت حالات زواج بين أصدقائى فى الجامعة ..ورأيت قصص حب لا تصدّق فى الجامعة ..ومهازل أيضا لا تصدق !!

    كانت الجامعة بمثابة متحف لا ينسى ..يحفل بكل أنماط البشر

    !!!!!!!!!!

16. عادل حجازى. قال:
    أكتوبر 13th, 2009 at 13 أكتوبر 2009 6:18 م

    المجهول 7

    ظريف جدا على فكرة !!!

    ماشى يا عم عماد عادل …يلّى مش مجهول !!!!

17. عادل حجازى. قال:
    أكتوبر 13th, 2009 at 13 أكتوبر 2009 6:25 م

    المجهول8

    يعنى مش 90 % بيفكروا فى البنات من الشباب !!

    حرام عليك يا مفترى يا ظالم !!!

    نقول 88 %

    !!!!!!!!!!!!!!!!

18. عادل حجازى. قال:
    أكتوبر 13th, 2009 at 13 أكتوبر 2009 6:51 م

    وحيدة

    مشوار السفر دة ..خايف جدا يكون بالقطر

    لأنى شفت بعينى العذاب الأليم اللى بيعانيه الطلبة اللى كلياتهم فى محافظات تانية

    مثلا

    طلبة كليات طنطا ..القطر بتاع 6 الصبح دة ..وقطر 2..و4 فى الرجوع عصرا ..كان عبارة عن هولوكوست بدون نيران !!!

    عذاب لا يتخيّله احد

    يا رب تكونى من أصحاب الميكروباصات !!

19. ابن البلد قال:
    أكتوبر 14th, 2009 at 14 أكتوبر 2009 2:16 ص

    عزيزي
    عادل صباح المنجه العويسي ياجميل
    معزره فانا ادخل مدونتك في وقت متأخر حتي لايراني احد واقدم اعترافي

    شوف ياعم عادل
    فرحت اوي لما دخلت الجامعه قلت اهرب من ابويا كام ساعه كل يوم كل مايشوفني يقولي صليت الصبح صليت العصر ..

    كنت مكسوف اوي وانا رايح الجامعه الدنيا كتيره وعربيات يامااااااا وبنات ايه تدوخ الواحد والحرمان كأنه وحش سد الطريق .

    كنت مكسوف اوي ورجليا بتخبط في بعض ومكنتش مصدق ان جه اليوم ان هاقعد كدا جنب بنت في المدرج من غير ماحد يكلمني

    وكنت بقفل زرار القميص اللي فوق وكأني كنت خايف حد يمد ايده ويسرق الفلنه

    لما شفت البنات كدا قلت لاء وقررت التمرد وفتحت القميص علي مصراعيه لحد مابان الشراب

    واول يوم اتعرفت علي بنت وفضلت احب فيها بعد كدا 3 سنوات واكتب لها المحاضرات واشرح لها وانا عمال اخطط ان هاتجوزها

    في سنه رابعه اتجوزت صاحبي اي والله العظيم مع انه كان عارف ان بحبها وبموت فيها

    ياااااااااااااااه ربنا يسامحك عم حجازي

    ابن لامؤاخذه
    البلدالناحيه التانيه

20. اكرم عبد السميع قال:
    أكتوبر 14th, 2009 at 14 أكتوبر 2009 6:42 ص

    الاخ العزيز
    عادل
    صباح الخير
    مرور تواصل واطمئنان
    تحياتى لك
    اكرم

21. ميساء البشيتي قال:
    أكتوبر 14th, 2009 at 14 أكتوبر 2009 3:28 م

    اخي عادل .. صعب أن أشارك بهذا الموضوع ..

    هذا مضى عليه أكثر من ربع قرن .. ربع قرن يا عادل

    ولكن كل ما أذكره أنه كان عاديا ً جدا ً

    سامحني صعب أقتكر ,, ربما لو كان هناك حدث غير

    عادي ..ربما افتكرت .. بالتوفيق يا عادل

22. سعيد الشريف قال:
    أكتوبر 15th, 2009 at 15 أكتوبر 2009 10:39 ص

    معا نشارك فى نصر امتنا بالعمل واصلاح انفسنا ومحاربة الفساد والمفسدين بالحكمة وبالوسائل السلمية والقانونية وبتربية جيل ربانى الله غايته والرسول قدوته والقران دستوره والجهاد سبيله والموت فى سبيل الله اسمى امانيه
    معا نتعاون ونتشاور ونعمل سويا لننهض بامتنا دون النظر الى مصالح شخصية او انتماءات سياسية كلنا يدا واحدة على الظالمين والطغاة والمفسدين

    بإذن الله سننتصر وستعلو الراية وسنكون بحق خير أمة أخرجت للناس بعقولنا اللبيبة وبقلوبنا السليمة وبجهدنا وعملنا الخالص لوجه الله وحده

23. sharaf95 قال:
    أكتوبر 15th, 2009 at 15 أكتوبر 2009 5:12 م

    مساء الخير اخى عادل ..اشكرك على مرورك الكريم على مدونتى وعلى تواصلك..انت نورتنى

24. sharaf95 قال:
    أكتوبر 15th, 2009 at 15 أكتوبر 2009 5:26 م

    بالنسبة لموضوع الجامعة ممممممممممممم

    الله لا يجيب تانى اول ايامى فى الجامعة..ده انا اتبهدلت بهدلة فى الدنيا دى..خصوصا اول يوم

    انا جاى ومتشيك يعنى اول يوم لى فى الجامعة ومن شكلى معروف انى برلوم وجديد..تايه فى جامعة الخرطوم وكانى فى متاهة وسالت شوية طلبة قابلتهم ويا ريتنى ما سالتهم…تخيل اسال اقول وين مقر المحاضرة الفلانية ..يودونى لا خر الدنياهههه عشان تعرف بس مقالب السودانيين فى بعض….ولمن وصلت لمقر المحاضرة.. اتهديت من ركوب السلام وقعدت اكتر من ساعة افتش وناس تودينى وناس تجيبنى ولمن وصلت للمكان الحقيقى..دخلت القاعة ولقيت المحاضر قالى:انت منو

    قلت: انا طالب جديد

    قال: وجايى متاخر مالك

    وقبلى ما اقول اى كلمة تانى..قام المحاضر طاردنى بره وقالى : انت ظول كسلان وما حتنفع معانا

    وبصراحة كان معاه حق ..ياخ انا جايى والمحاضرة خلاص شطبت

    اخى عادل ده اول يوم لى فى الجامعة وباقى الاسبوع كان احسن

    دمت بكل خير اخى

25. النت بتتكلم عربى- الفيل قال:
    أكتوبر 15th, 2009 at 15 أكتوبر 2009 5:34 م

    حلوة حكاية البنات ف الجامعة دى - كاهم حاجة- دى

    كانت دفعتنا دفعة غريبةكان اول اسبوع متصل بحتى لما اتخرجنا وبدانا نحضر الماجستير
    زوجتى خريجة جامعة عين شمس كانت تحضر الماجستير بجامعة القاهرة
    قابلنا زميلاتى بنات الدفعة وكانت اغلبيتهم اصلا من الريف مع اضافة عقد الوهابية وغيرها من العقد
    كانت الدنيا قد تغيرت
    عرفتهن على زوجتى
    فانسحبت واحدة من الزميلات من لسانها وقالت بجراءة مش معقولة فاجئتنى-لانه لم تكن بينى وبينها اى كلام او الفة سابقة
    يعنى يامحمد- بالاسم المجرد-كلكوا يعنى زى القرع يمد لبره ورحتوا اتجوزتوا من بره(فى وجود زوجتى- كده- -على بلاطة)-وكان اغلبهن لم يتزوجن بعد
    قلت لها ليه هو كان الواحد مننا لو قال لواحدة منكم صباح الخير كانت بترد عليه اصلا والا كان الصباح حرام وفتنة واختلاط وفساد
    —–
    ودايما بنعرف فى وقت متاخر ان واقع الحياة شئ مختلف عما يذاع فى قناة الشحبورى الفضائية
    لكننا بنحب برضة نتيبنى مايذاع فى قناة الشحبورى وكتبه ومحاضراته
    عشان احنا ناس كويسين

26. محمد صوالحة قال:
    أكتوبر 15th, 2009 at 15 أكتوبر 2009 6:30 م

    مساء الخير استاذ عادل .
    مررت برحابكم للتعارف .. فوجدت المعازيم كتر … للاعتراف بايامهم الجامعية الاولى … بس اللي مدخلش الجامعة يعترف بايه .
    دمت بخير

27. طاهر الصوفانى قال:
    أكتوبر 16th, 2009 at 16 أكتوبر 2009 9:35 م

    السلام عليكم ورحمة الله وبركاته

    ————- جمعه طيبه مباركه ————-

    اللهم انك عفوا كريم تحب العفو فاعفو عنا
    اللهم يامالك الملك وياواسع العطاء ياحي ياقيوم ياذا الجلال والإكرام إني أسألك في هذا اليوم العظيم.. وبعدد من سجد لك في حرمك المكرم،،، من يوم خلقت الدنيا إلى يوم القيامة أن تعافي قارئ هذا الدعاء،،،وتحفظه، وأسرته، وأحبته وأن تبارك عمله، وتسعد قلبه وتفرج كربه،،وتيسر أمره،،وتغفر ذنبه..آمين يارب العالمين

28. نهاد فتحى قال:
    أكتوبر 17th, 2009 at 17 أكتوبر 2009 7:02 ص

    انا اول اسبوع فى الجامعة تعرفت على مجموعة من البنات غاية فى الثراء والاناقة فاحسست بفارق كبير فى المستوى الاجتماعى والاقتصادى وبدات الغيهم واحدة ورا التانية واتعرفت على مجموعة رائعة من مستوايا عشان متعقدش فى عيشتى وكانوا اصدقائى حتى الان

29. عادل حجازى. قال:
    أكتوبر 17th, 2009 at 17 أكتوبر 2009 11:31 ص

    الأخت اللبنانية سجود

    بحب شديد للهجة اللبنانية تابعت تعليقك الجميل التلقائى ..ووصفك لمدى الرعب الذى اجتاحك عن أول كلام مع شاب فى الجامعة !!

    وتجربتك بالتأكيد تتشابه مع الكثيرات جدا فى كل العالم العربى ..الذى مازال يحبو ويدور ويلف حول هذه العلاقة الشائكة

    بين الرجل والمرأة

    الفتى والفتاة

    فى الدراسة

    فى أماكن العمل

    فى كل مكان !

    علاقة ..يختار البعض بترها من الأصل ..ويختار البعض الآخر التمادى فيها إلى مدى يقارب ما يفعله الغرب !!

    بمعنى

    لا ضوابط ولا قيود ..!!

    وبين هذا وذاك ..يقف فريق فى المنتصف ..يتعامل باحترام

    مع الطرف الآخر ..رجل أو إمراة ..باعتباره إنسان

    يشاركه رحلة الحياة ..لا هدف جنسى نسعى لصيده !!

    ……….

    تحياتى .

30. عادل حجازى. قال:
    أكتوبر 17th, 2009 at 17 أكتوبر 2009 11:38 ص

    ابن البلد الجميل !

    ههههههههه

    حلو جدا جدا دور احمد رمزى اللى انت كنت عايش فيه ..والقميص المفتوح لحد الشراب

    شكلك كنت مواكب لنظرية ( الانفتاح ) فى عهد السادات رحمه الله !

    وبالنسبة للبنت اللى خدت كشاكيلك ومحاضراتك و بيبسيهاتك وشاياتك وسندوتشاتك ..وبعدين …صاحبك كمان فوق البيعة ..!

    دى بقى بصراحة دماغ بجد ..يا بنت الايه !!

    بس مفيش داعى للزعل

    لانها زمانها سابت صاحبك ..واتجوزت رئيسه فى العمل !!

    دى بتطبّق نظرية ..الدنيا سِلّم كبير !!

    وقصتك تصلح فيلم باسم ..السلّم والتعبانه !!!

    انسى يا جميل

    ما تستاهلش حتى تعليقك !!!!

    ……..

    تحياتى .

31. عادل حجازى. قال:
    أكتوبر 17th, 2009 at 17 أكتوبر 2009 11:42 ص

    الصديق اكرم عبد السميع

    مفيش مرة تعلّق عندى ؟!

    عموما

    زيارتك تسعدنى فى كل الاحوال

    تحياتى .

32. عادل حجازى. قال:
    أكتوبر 17th, 2009 at 17 أكتوبر 2009 11:43 ص

    الأستاذة ميساء البشيتى

    بالفعل

    الذاكرة تسقط آليا كل ماهو عادى .

    شكرا للتواصل .

33. عادل حجازى. قال:
    أكتوبر 17th, 2009 at 17 أكتوبر 2009 11:55 ص

    SHARAF95

    حصل ليا موقف مشابه لكده ..بس مش اول اسبوع

    كان عندنا كالعادة دكتور ..هو نفسه مش فاهم بيرغى فى ايه ..وهاتك يا دش لما دماغنا طبّلت !!

    وبعدين

    المدرج كله هاتك ياوَدْوَدة مع بعض …وشوشوشوشوشوشوشوش…زن متدرج القوّة ..لحد ما الراجل جاب جاز !!

    وبعدين

    اصطادنى انا وواحد صاحبى ..عشان كنا فى نص المدرج بالظبط …وبصوت غاضب تعالى هنا انت واللى جنبك !!

    قعدنا نروشه شويه …انا ؟!..أنا يا دكتور ؟!…يعنى بنرفزه بالادب !

    وخرجنا والمدرج كله ينظر إلينا ..بترقّب مثير ..تماما ..كما يترقّب جمهور نانسى عجرم لحظة طلوعها على المسرح !!

    وبمنتهى الالاطة اديناله الكارنيه ..وفؤجئنا انّه بدل ما يطلّعنا بره ..قالنا .اقفوا هناك و وشوشكم لزمايلكم ..بيذنبّنا يعنى !!

    بقينا فرحانين جدا !!!!

    هنقف ساعتين كاملين بنشوف وشوش كل الدفعة ..وهمّ بيشوفونا ..يا سلام على الشهرة !

    كدة بقينا طلبة ستايل مشاغبين ..وااااااااو

    البنات هىّ اللى هتتعرف علينا ..عشان احنا مش شباب ممل من بتوع المذاكرة ..ومن البيت للمدرج والعكس ..احنا شباب مختلف ..جرىء..جسور…مش هاممنا كارنيهات متاخدة ..وواقفين بمنتهى الجليطة !!!

    وقد ..كان !!!

34. عادل حجازى. قال:
    أكتوبر 17th, 2009 at 17 أكتوبر 2009 12:07 م

    الفيل

    كان عندى احساس ان كل التعليقات حتيجى عن البنات والعلاقات داخل الجامعة !

    رغم ان هدفى - اننا نناقش الجامعة نفسها ..بكل مافيها ..لكن ..شكلنا كعرب ..تقريبا ..مشفناش اى حاجة فى الجامعة غير البنات !!!!!!!!!!!

    وبكده ..يبقى لازم نعترف جميعا ..اننا كنا فى أندية اجتماعية ..مش كليّات !!

    نادى كلية تجارة ..نادى آداب ..نادى هندسة !!

    نوادى ..مش جامعة على الاطلاق !!

    ولازم برضو ..نرفع القبعة ..للناس اللى أصرّت على أنها فى جامعة مش فى نادى ..وذاكروا ..واجتهدوا..وجابوا تقديرات …مهما كانت النتيجة فى الآخر !!

    سواء الناس دى قعدت فى بيوتهم عشان مفيش واسطة ..او ..خدوا ذنبة وما اتعينوش دكاترة فى الجامعة ..عشان غير لائقين اجتماعيا …أو ..مفيش تعيينات السنة دى !!!

    !!!!!!!!!!!!!!!!!!!!!!!

35. عادل حجازى. قال:
    أكتوبر 17th, 2009 at 17 أكتوبر 2009 12:09 م

    الاستاذ محمد صوالحه

    شكرا لمتابعتك

    واجابة على سؤالك

    اللى ما دخلش جامعة يعترف بايه ؟!

    يعترف

    عدم دخوله الجامعة فرقت فى حياته ..ولا لأ ؟!

    تحياتى .

36. عادل حجازى. قال:
    أكتوبر 17th, 2009 at 17 أكتوبر 2009 12:17 م

    الاستاذة / نهاد فتحى

    خير ما فعلتى !

    فعلا

    البنى آدم الذكى هو اللى يختار علاقاته وصداقاته صح !

    وبعد دخولى الجامعة ..بقيت بضحك من قلبى على الافلام ..اللى بتجيب ولد غنى بيجب بنت فقيرة فى الجامعة ..أو العكس !

    يا سلااااااااااااااااااااااام !!

    طيب فى الجامعة ..التقسيم الطبقى بالمسطرة !!!

    اللى تحت الصفر مع بعض !

    والطبقة المتوسطة مع بعض !

    والكلاس مع بعض !

    دول ليهم اماكن ومأكولات ومشروبات و أزياء و اهتمامات تانية خاااااااااااااااالص !!

    فاكر مرة كنت فى كلية آداب ..وكان ورايا فى الجنينة 2 من الطبقة الهاى !!

    قعدوا نص ساعة يتكلموا عن الجيبسى كينجس !!

    طيّب يا شباب نخلّيها عمرو دياب ولا محمد فؤاد حتّى !!

    حسيت ان انا كائن فضائى !!

    جيبسى كينجس..مين يا اخوانا ؟؟!!…دحنا اخر غنوة غربى شفناها كان جون ترافولتا فى العالم يغنى على القناة التانية بتاع حمدية حمدى !!!!!

    وبعدين يضحكوا علينا ..ويحاولوا يقنعونا ان فريال فراويله ..يتموت فى يوسف الضو ّ ..اللى مش لاقى ياكل !!!!

    ينفع ؟؟؟؟؟!!!!!!!!!!!!!!!

37. ابن البلد قال:
    أكتوبر 17th, 2009 at 17 أكتوبر 2009 4:59 م

    الراقي الجميل
    استاذي الفاضل عادي حجازي
    لك كل احترام وتقدبر لمدونتك ونوعيه ادراجك المميزه

    بس لي ملحوظه صغيره اوي ومكسوف منك وحاطط وشي في الارض
    وينقطع لساني لو قلتها علشان كدا هاكتبها لك :

    في صدر هذا الادراج في الجهه اليسري يوجد استطلاع لامؤاخذه رأي
    _______________________
    المفروض اختيار شخص واحد
    _______________________
    - يجب استبدال Check Box ب Option Button
    - حساب النسبه المئويه للعضو = ماحصل عليه من اصوات مقسوم علي مجموع الاصوات مضروبا في 100 (النتيجه غير كدا خالص . هو اللي عامل الاستطلاع ده الحزب الوطني ؟)

    - لماذا تم وضع علامتي تعجب بعد كل اسم (!!) هل علشان بعد مانصوت نضرب كف علي كف ؟ ام لاننا بنصوت من غلبنا

    دمت راقي جميل

    ابن لامؤاخذه
    البلد الناحيه التانيه

38. ameera77 قال:
    أكتوبر 17th, 2009 at 17 أكتوبر 2009 10:14 م

    استاذ عادل

    ردا على سؤالك

    فعلا ملل ولكن تظل حياة الجامعة بروح الشباب والحيوية والنظر بمنظار وردي للمستقبل ذكريات جميلة

    اما رغبتي

    انا دخلت كلية الهندسة الكترونيات

    ورغبتي كانت ألسن

    ولكن لاني من المنصورة صعب اروح القاهرة عشان ادرس

    دخلت هندسة وكان بيرن في وداني لفظ باش مهندسةواحنا لسه بنسمي في اول اسبوع جامعة رنة حلوة

    هههههههه

    بس لحبي الشديد للغات والانجليزي والفرنسي

    كان نفسي ادرس فس كلية السن

    واديني ربة منزل

    كده فشل وكده فشل

    

    الحمد لله

39. عادل حجازى. قال:
    أكتوبر 18th, 2009 at 18 أكتوبر 2009 8:42 ص

    ابن البلد الجميل

    شوف ..انت تقول اى ملاحظة تعجبك ونت مطمئن …وأشكرك من كل قلبى على أى ملاحظات ..مهما كانت .

    بالنسبة لاستطلاع الرأى ..هو الاستطلاع اتوماتيك بيدى نسبة مئوية من اجمالى الاصوات

    يعنى جمال مبارك ..41% لحد دلوقتى ..وعمرو موسى 36%…المسالة قريبة جدا …

    وتوقعت انك تقول ليه مفيش اسم من الاخوان ؟!!

    مثلا ..د.عصام العريان

    لأن للأسف ..محدّش حيسمحله أساسا بكده !!!!!!!

    يبقى خلّينا فى الأسماء ( المنطقية ) ..رغم ان ايمن نور وجوده غير منطقى ..لأنه من اصحاب السوابق !!..بس انا تعمّدت احط اسمه ..عشان الناس تعرف شعبيّته بين المدونين !!!

    باسم الله ما شاء الله ..المناضل واخد 4 أصوات !!!!!

    وربما يكون خطأى الذى اعترف به هو عدم وضع اسم د.عصام العريان ..بس ..اللى خلانى محطّش اسمه ..ان الاخوان نفسهم مش عارفين حيرشحوا مين !!!!!!!!!!!

    وحتى ..مفيش تمهيد (اعلامى ) لاسم معيّن !!

    حكاية بقى علامات التعجب ..لأن زى منت قلت …كده كده المسألة محسومة بشكل يدعو للتعجب !!!!!!!!!!!!

    ولأننا بنصوت من غلبنا ..واهو كلام ابن عم حديت !!!

    ……….

    تحياتى يا جميل .

40. عادل حجازى. قال:
    أكتوبر 18th, 2009 at 18 أكتوبر 2009 8:51 ص

    amera77

    تعليقك مفاجأة بالنسبة لى !!

    أحد أصدقائى المدونين المشهورين ( على فكرة) ..قاللى بثقة متناهية قبل كدة

    انت تعرف مين اميرة 77 ؟!

    قلت لأ !

    قاللى دى مذيعة على احد الفضائيات !!..بس مش عارف قناة ايه ..!!

    قلتله ايش عرّفك ؟!

    فيه ناس بيكلموها وعارفين شخصيتها الحقيقية !!!

    هههههههههههه

    دحنا شعب مخترع بشكل غريب !!

    عموما

    حضرتك ست بيت ..مش معناه الفشل على الاطلاق .

    الحضارة الإسلامية قامت على أكتاف رجال هم رجال حقا ..ونساء هم نساء حقا

    وبيوت ..هى بيوت صنعت على محبة الله ورسوله ..ولأجل الله ورسوله

    هؤلاء الأمهات العظيمات ..هم انجبوا لنا صلاح الدين ..ومحمد الفاتح ..وعشرات العشرات العشرات من الرجال حقا

    مهمتك فى بيتك اهم واكبر واكثر مشقة الف مرة من مجرد امتهان مهنة ما .

    تحياتى .

41. رائدة زقوت(أم ليث) قال:
    أكتوبر 18th, 2009 at 18 أكتوبر 2009 9:10 ص

    الراقي عادل
    صباحك ورد
    اعجبني الموضو والتعليقات
    مررت لأشكرك على التواصل غم غيابي
    عن المدونات قصرا
    مودتي

42. ابن البلد قال:
    أكتوبر 19th, 2009 at 19 أكتوبر 2009 12:49 ص

    الفاضل عادل
    معزره لدخولي في وقت متأخر مدونتك
    وعلي اي حال مش مهم نتيجه التصويت لخلافة مبارك
    ___________________________________________________
    لان موضوع الخلافه ده يسأل فيه شيخ الازهر بصفته واختصاصه
    ___________________________________________________

    ابن لامؤاخذه
    البلد الناحيه التانيه

43. مجهول قال:
    أكتوبر 19th, 2009 at 19 أكتوبر 2009 7:55 ص

    ليبيا.. أكواخ للفقر ببلد النفط‏

    بلغت ظاهرة الفقر في ليبيا حدا لم يعد مجديا التكتم عليه، حتى إن الرئيس الليبي معمر القذافي اعترف رسميا -وفي أكثر من مناسبة- بوجود مليون ليبي فقير، كما أن رئيس الحكومة أشار إلى وجود قرابة 180 ألف أسرة تعيش على 100 دينار ليبي (75 دولارا)، الأمر الذي يعني أن خمس سكان ليبيا يعيشون تحت خط الفقر، إلى جانب بطالة بلغت 30%؛ أي ما لا يقل عن مليون ليبي عاطل عن العمل……

    وبعد كل ذلك : نجل القذافي يشتري منزلا في أرقى ضواحي لندن بـ 5. 16 مليون دولار‏ !!…..

    باقى المقال يوجد فى صفحة الحوادث بالرابط التالى:

    http://www.ouregypt.us

44. ameera77 قال:
    أكتوبر 19th, 2009 at 19 أكتوبر 2009 7:12 م

    ههههههههههههههه
    مذيعة

    من بقكم لباب السما

    الصيت ولا الغنى

    ابقا اشكر لي المدون اللي بيسيحلي ده

    مساء الشائعات المصرية اللطيفة

    

45. اوعى النار قال:
    أكتوبر 21st, 2009 at 21 أكتوبر 2009 5:53 ص

    [...] النت بتتكلم عربى- الفيل قال: أكتوبر 15th, 2009 at 15 أكتوبر 2009 5:34 م [...]

46. Wahdah Wahedah قال:
    أكتوبر 23rd, 2009 at 23 أكتوبر 2009 6:06 م

    بيجو و ميكروباصات و قطارات
    و حوادث بعيد عنك و و
    هههههه
    أنا شفت الموت بعينا و كل حواسى بدل المره .. خمسه

    و لما ربنا اختار مننا واحده … أختارها على فراش المرض

    سبحان الله

اكتب تعليــقك

 
السلام عليكم و رحمة الله و بركاته